Kryetarit i Komunës së Lipjanit, Imri Ahmeti dhe përfaqësuesi i Iniciativës për Zhvillimin e Bujqësisë së Kosovës (IADK), Zenel Bunjaku, sot kanë nënshkruar një marrëveshje bashkëpunimi për realizimin e projektit: “Promovimi i sektorit të bujqësisë si nxitës i rritjes ekonomike dhe punësimit”, projekt ky i përkrahur nga GiZ Gjerman.
Me këtë rast Kryetarit Ahmeti, ka theksuar se projektet të tilla janë të mirëseardhura për qytetarët e Komunës së Lipjanit. Ai ka falenderuar përfaqësuesin e IADK-së që kanë përfshirë Lipjanin në kuadër të këtij projekti me anë të të cilit do të ndihmohen fermerët, njoftoi Komuna Lipjanit, zyra për informim.
Në kuadër të këtij projekti do të përkrahen 21 përfitues me grante bujqësore dhe asistencës profesionale me qëllim të krijimit të të ardhurave dhe përmirësimit të gjendjes ekonomike.
Shprëndarja e granteve do të bëhet me qëllim të ngritjes së kapaciteteve prodhuese në sektorë të ndryshëm të bujqësisë me fokus të veçantë në perimtari, pemtari, bimë mjeksore, blegtori – bletari dhe përpunim të pemëve, perimeve dhe qumështit./LipjaniNews/