S’ka certifikim të rezultateve në këtë muaj

PUBLIKUAR

Certifikimi i rezultateve të zgjedhjeve të 11 qershorit nuk pritet as në këtë javë. Kështu kanë thënë zyrtarë nga KQZ-ja, të cilët nuk kanë dhënë një datë të caktuar se kur mund të presim publikimin e rezultateve finale.

Dje KQZ-ja ka përfunduar rinumërimin e 115 kutive nga disa vendvotime.

Ky rinumërim, sipas tyre, ka ndodhur pasi janë evidentuar mospërputhje, shkruan sot Gazeta “Zëri”.

Mirëpo, një rinumërim të tillë përfaqësues të KDI-së kanë thënë se edhe mund të ketë qenë i qëllimshëm. Ndërsa njohësit e çështjeve politike thonë se procesi i certifikimit të votave është vonuar pasi ka pasur kohë të mjaftueshme që të përfundojë ky proces.

Ata thonë se është e nevojshme që sa më herët të bëhen publike rezultatet finale pasi, siç thonë ata, mund të ketë ndryshim rezultatesh kur vjen puna te kandidatët për deputetë.

Valmir Elezi, zëdhënës nga Komisioni Qendror Zgjedhor, ka thënë për “Zërin” se KQZ-ja ka marrë vendim për rinumërimin e 145 kutive të votimit për arsye që janë hasur gjatë pranimit të këtyre kutive në qendër dhe të mospërputhjeve.

“Deri më tani Komisioni Qendror i Zgjedhjeve ka marrë vendim për rinumërimin e 145 kutive të votimit pas rekomandimeve nga Qendra e Numërimit dhe Rezultateve. Ky rinumërim vjen për arsye të ndryshme që janë hasur gjatë pranimit të tyre në këtë Qendër apo për shkak të mospërputhjeve të evidentuara”, ka thënë Elezi.

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...