Këta janë kandidatët që për herë të parë po bëhen deputetë

PUBLIKUAR

Kosova është në pritje të konstituimit të legjislaturës së gjashtë të saj pas çlirimit.

Në zgjedhjet e 11 qershorit shumë kandidatë për deputetë kanë arritur të marrin vota të mjaftueshme për t’u bërë deputetë për herë të parë.

Nga koalicioni PDK-AAK-Nisma ulësen e deputetit e ka siguruar Mërgim Lushtaku, djali i kryetarit të Komunës së Skenderajt, Sami Lushtakut.

Gjithashtu, Andin Hoti, djali i veprimtarit Ukshin Hoti ka marrë votat të mjaftueshme për të hyrë në Kuvend.

Në mesin e deputetëve të rinj të kësaj legjislature do të jetë edhe Evgjeni Thaçi-Dragusha, mbesa e presidentit të vendit, Hashim Thaçit, shkruan lajmi.net

Vota të nevojshme për të siguruar ulësen në Kuvend ka marr edhe gazetari Milaim Zeka.

Për herë të parë në ulësen e deputetit do të ulet edhe Shkumbin Demaliaj i AAK-së.

Edhe Grupi Parlamentar i LDK-së do të ketë figura që për herë të parë kanë arritur të bëhen deputetë.

Në mesin e tyre janë: Driton Selmanaj që deri vonë ka qenë pjesë e organizatave joqeveritare, Lumir Abdixhiku që ka drejtuar “Riinvestin”, këngëtari, Labinot Tahiri etj.

Kurse nga radhët e Lëvizjes Vetëvendosjes ulësen e deputetit për herë të parë e ka siguruar sekretari i këtij subjekti, Dardan Molliqaj dhe aktori, Adem Mikollovci.

Sigurisht se këta nuk janë të vetmit kandidatë që për herë të parë e kanë siguruar postin e  deputetit.

Në dy javët në vijim pritet të dalin rezultatet zyrtare, kur edhe do të kuptohem emrat e të gjithë deputetëve të legjislaturës së gjashtë të Kosovës.

Foto: Arkiv

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...