Agjencia e lajmeve DPA raporton se disa qindra persona janë mbledhur për këtë demonstratë të shtunën, duke mbajtur në duar pankarta “Së bashku kundër terrorit” dhe “Urrejtja e bën tokën ferr”, transmeton Express.

Raportohet se më pas protesta ka mbledhur mbi një mijë protestues.

Marshuesit po ashtu kanë mbajtur baner me mbishkrimin: “Dashuri për të gjithë, urrejtje për askënd,” dhe “Myslimani i mbron jetët nuk i merr ato”.

Ndërkohë, shoqata më e madhe islamike në vend ka refuzuar që të marrë pjesë në marsh, i cili u udhëhoq nga grupe përfaqësuese të sektit Ahmadi.

Unioni Turk-Islamik ka argumentuar se kjo do të dërgonte një sinjal të gabuar duke sugjeruar se terrorizmi ndërkombëtar është kryesisht problem mysliman./Express/