Garda Revolucionare e Iranit e ka akuzuar Arabinë Saudite për sulmin e ISIS-it ndaj Parlamentit iranian dhe varrit të ish-liderit suprem të Iranit, Ayatollah Kohmeini.
Në këtë sulm u vranë 12 persona dhe u plagosen 35 të tjerë, transmeton Express.
Në një komunikatë të publikuar nga mediat shtetërore të Iranit, kjo gardë ka thënë: “Sulmi terrorist ndodhi vetëm një javë pas takimit mes presidentit amerikan, Donald Trump, dhe liderëve të prapambetur sauditë, të cilët e përkrahin terrorizmin.”
Katër militantë të armatosur me kallashnikovë dhe bomba u vranë gjatë sulmit nga forcat iraniane.
“Fakti se Shteti Islamik e ka marrë përgjegjësinë për sulmin dëshmon se ata [Arabia Saudite] kanë qenë të përfshirë në sulmin brutal,” ka thënë kjo gardë./Express/
