Ndihmës Komisionari i Policisë Metropolitane, Mark Rowley, e ka përshkruar këtë si një numër të paprecedent të plumbave të shkrepur nga policia, transmeton Express.

Ai ka thënë se një hetim do të nisë, por shtoi se situata me të cilën oficerët u përballen ishte tejet kritike.

Ai ka konfirmuar se një anëtar i publikut i qëlluar me armë nga policia gjatë operacionit është duke u trajtuar në spital.

Po ashtu, ai ka treguar se furgoni i përdorur nga sulmuesit për t’i shkelur këmbësorët ishte marrë me qira.

Të tre sulmuesit u vranë nga policia pasi që i kishin vrarë shtatë persona dhe plagosur 49 të tjerë. Sulmi i së shtunës ishte i treti në tre muajt e fundit në Britani, pas atij në Westminster dhe Manchester Arena.

Ndërkohë, policia i ka identifikuar sulmuesit, por nuk dëshiron t’i bëjë publik emrat e tyre ende. /Express/