Rusia nuk do ta ndryshojë vendimin për t’iu bashkuar Marrëveshjes globale të Parisit 2015, për frenimin e ngrohjes globale, përkundër largimit të Shteteve të Bashkuara nga ky pakt.
Kështu ka thënë zëvendës/kryeministri i Rusisë, Arkady Dvorkovich, raporton agjencia ruse e lajmeve, RIA, përcjell Express.
“Ne e morëm vendimin për t’iu bashkuar [marrëveshjes], dhe nuk mendoj se do ta ndryshojmë,” ka thënë ai.
Dje, presidenti Donald Trump vendosi që ta largojë SHBA-në nga kjo marrëveshje e rëndësishme për luftimin e ndryshimit klimatik, duke i zemëruar liderët botërorë dhe shefat e industrisë.
Gjatë fushatës zgjedhore në vitin 2016, Trump pati premtuar se do ta largonte SHBA-në nga kjo marrëveshje duke thënë se ndryshimi klimatik është i sajuar nga Kina./Express/
