Kryetari i Forumit Rinor të AKR-së në Lipjan, Bekim Olluri ditë më parë kishte njoftuar se ka pezulluar të gjitha aktivitetet e Forumit.

Sot ai përmes një postimi ka bërë me dije se, në koordinim me kryetarin e AKR-së Sabit Pacolli, kanë marrë vendim që të fillojnë me aktivitete për një fitore të madhe.

“Të gjitha aktivitetet si në nivel qendror po ashtu edhe lokal që ditë më parë që kemi bojkotuar dhe pezulluar Forumi Rinor i AKR-së dega në Lipjan në koordinim me kryetarin z.Sabit Pacolli, kemi marrë vendim që të fillojmë me aktivitete për një fitore të madhe dhe madheshtore”, ka shkruar Olluri.
“AKR-ja është shpresa e madhe e qytetarëve të Kosovës. Me respekt kryetari i Forumit Rinor të AKR-së dega në Lipjan: Bekim D. Olluri”, thuhet tutje. /LipjaniNews.com/