Numri i të vdekurve nga sulmi në Machester Arena ka shkuar në 22, ndërkaq 59 persona janë plagosur. Në mesin e të vdekurve raportohet se ka edhe fëmijë.
Shpërthimi ndodhi në orën 22:35 të së hënës pas një koncertit të pop këngëtares amerikane, Ariana Grande.
Policia e Mançesterit ka thënë se sulmuesi i vetëm mashkull, i cili vdiq në shpërthim, po mbante një pajisje shpërthyese të improvizuar e që e kishte shpërthyer, raporton BBC.
Ndryshe, të afërmit po përdorin edhe mediat sociale për të kërkuar për të afërmit e humbur.
Sekretari i Shtetit, Amber Rudd tha se ishte “një sulm barbar”.
Aktualisht, ky sulm po trajtohet si sulm terrorist derisa policia të ketë ndonjë informacion tjetër
