Luftëtarët e të ashtuquajturit Shtet Islamik (ISIS) i kanë vrarë sot më shumë se 50 persona në një sulm në qendër të Sirisë, njofton Mbikëqyrësi Sirian për të Drejtat e Njeriut (MSDN).
MSDN është grupi monitorues i luftës në Siri me bazë në Britani të Madhe, transmeton Express.
Sulmi befasues për cak i kishte trupat pro-qeveritare në një pozicion në autostradën kryesore që e lidh kryeqytetin Damask me Aleppon, njofton MSDN.
Televizioni shtetëror sirian ka thënë se persona të armatosur të regjimit ia kanë dalë ta zmbrapsin sulmin dhe të nisin një kundër-ofensivë në formë të sulmeve ajrore.
Të paktën dy civilë janë vrarë nga sulmet e ISIS afër qytetit Salamiyeh.
