Sekretariati i Gruas i qendrës së Lëvizjes VETËVENDOSJE! në Lipjan, së bashku me deputeten Donika Kadaj Bujupi vizitoi sot gratë e fshatit Janjevë, me ç’rast u njoftua me hallet dhe problemet e këtyre të fundit dhe qytetarëve të Janjevës në përgjithësi.
Gati si kudo në Kosovë, kjo pjesë e Lipjanit përballet me mungesa elementare për jetë, siç janë mungesa e ujit, bartja e ujit me kova nga distanca të mëdha, probleme higjenike, ekonomike dhe sociale. Tregohej për premtimet boshe të pushtetarëve, të cilët ngarendin për të mbledbur vota gjatë fushatave zgjedhore në Janjevë, e të cilët zhduken gjatë viteve sa janë në pushtet, njofton LVV.
Telashet e tyre të paimagjinueshme për shekullin në të cilin jetojmë, sot u bënë edhe tonat, e shpresa dhe entuaziazmi i tyre për një ditë më të mirë me Lëvizjen VETËVENDOSJE! në krye, na obligon që të punojmë pakusht, deri në realizimin e kërkesave të tyre. /LipjaniNews.com/
