PDK – Dega Lipjan ka akuzuar Kryesuesen e Kuvendit Komunal në Lipjan duke thënë se ku kryesuesja Kuvendit znj. Limani-Hajnuni obligohet nga përgjegjësitë që ka fillimisht të thërras mbledhjen e jashtëzakonshme, por assesi të thërret seancë të re pa procedua mbledhjen e jashtëzakonshme. Ajo bën shkelje të qëllimshme duke mos njoftua MAPL për thirrjen e seancës së jashtëzakonshme
Komunikata plotë nga PDK…
Nënkryetari PDK-së, Lulzim Rrusteimi, është shprehur pas dështimit të seancës së radhës të Kuvendit Komunal ne mungesë të koourumit duke thënë se :Mos procedimi i mbledhjes së jashtëzakonshme të nënshkruar nga 13 anëtarë të KK-së të thirrur me datë 21.04.2017 është shkelje e LVL ,ku kryesuesja Kuvendit znj.Limani-Hajnuni obligohet nga përgjegjësitë që ka fillimisht të thërras mbledhjen e jashtëzakonshme , por assesi të thërret seancë të re pa procedua mbledhjen e jashtëzakonshme. Ajo bën shkelje të qëllimshme duke mos njoftua MAPL për thirrjen e seancës së jashtëzakonshme dhe duke bërë përpjekje që më datë 24 .04.2017 të thërras mbledhje të re për datë 02.04.2017. Qeverisja lokale, pas prishjes së koalicionit me AAK–në e pakompletuar me kuvend të bllokuar po përpiqet dhunshëm , kundërligjshëm të mbaj pozitën e kryesueses pa mbështetjen e shumicës duke shfrytëzua neglizhencën e MAPL si institucion që ka mandatin e mbikëqyrjes së zbatimit të ligjshmërisë në komuna dhe për dështimet e saja po mundohet të manipuloj qytetarët e komunës së Lipjanit me deklarata boshe se opozita po e pengon në realizimin e projekteve dhe ndarjen e mjeteve buxhetore . Dështimi i koalicionit dhe shkeljet e vazhdueshme ligjore e kanë sjellë këtë qeverisje në situata që mos të mund të përballet me kërkesat e qytetarëve dhe ta vë në pikëpyetje funksionimin e saj edhe para përfundimit ligjor të mandatit . Nga kryesuesja kërkojmë respektim të rregullativës ligjore në bazë të cilës funksionon Kuvendi i komunës të procedoj me mbledhjen e jashtëzakonshme dhe kuvendi ti kthehet funksionimit normal për vendimmarrje në dobi të gjithë qytetarëve të komunës së Lipjanit. Ne jemi në pritje të kërkesës së MAPL për respektimin e LVL nga ana e kryesueses obligim ligjor të cilën e ka ajo.
Paraqitjet e . z.Ahmeti në këto séanca të dështuara me fajin e tij, nuk janë asgjë tjetër veç se muhalife dhe retorikë e frikës nga veprimi i tij abuzues me ligjin ,veprime tendencioze e përçarës në të gjitha institucionet e komunës. Tendenca për të mashtruar opinionin se opozita po I bllokon proceset zhvillimore është përpjekje për të mbuluar dështimet e tij qeverisëse. Qytetit të Lipjanit në qeverisjen e kaluar me investimet e bëra në infrastrukturë rrugore,hapësira publike gjelbërimi ,parkingje,ndriçim publik, investime ne shkolla e kulturë etj, i është vënë baza e një qyteti modern evropian. Ju dhe qeverisja e jua jeni ata që po e degradoni edhe sheshin edhe rrugën katër korsi edhe mirëmbajtjet e hapësirave publike, me ndryshime të projekteve për interesa tuaja. Të përkujtojmë se numrat shumicë në Asamblenë Komunale ,janë forcë elektorale dhe vullnet i qytetarëve lipjanas që ti nuk i ke ,ndërsa procedurat janë procedura që ti nuk di ti zbatosh dhe manipulon për qëllime të mbrapshta ,por forca e ligjit shumë shpejt do ta thotë fjalën e vet. /LipjaniNews.com/
