Mjekësia tradicionale kineze është e bazuar në besimin se energjia (chi apo qi) rrjedhë përmes dhe përreth trupit përgjatë meridianëve. Akupunkturistët dhe tjerët të cilët e praktikojnë këtë mjekësi besojnë se sëmundjet ndodhin kur diçka e bllokon chi-në ose e shkakton të bëhet e pabalancuar.

Duke ndihmuar në rritjen e rrjedhës të chi-së përgjatë trupit, organet mund të funksionojnë me një efikasitet shumë më të lartë, transmeton Telegrafi.

Besohet se shëndetin tuaj të përgjithshëm, disponimin dhe nivelet e energjisë mund t’i përmirësoni vetëm duke e vendosur një kub akulli në një pikë të caktuar në qaf.

Këtë pikë magjike në qafë mund ta gjeni mes ligamenteve të pjesës së pasme të qafës, në bazën e kafkës dhe në maje të qafës, menjëherë afër vendit ku fillojnë të shfaqen qimet e flokëve. Në akupunkturë, kjo pikë njihet si Fend Fu ose Wind Mansion. Praktikuesit e akupunkturës besojnë se stimulimi i kësaj pike e promovon mirëqenien dhe krejt çfarë ju nevojitet është një kub akulli.

Pra, vetëm shtriheni në stomak dhe e vendosni kubin e akullit në pikën e lartcekur dhe e mbani aty për 20 minuta. I ftohti fillimisht do t’ju pengojë, por brenda 30-60 sekondave do ta ndjeni një lloj nxehtësie në atë pikë të qafës.

Besohet se kjo mjekësi kineze ndihmon në mirëqenien fizike, i jep trupit energji, e përmirëson kualitetin e gjumit, e përmirëson sistemin e tretjes, i eliminon gripat e shpeshtë, e përmirëson frymëmarrjen, ndihmon në menaxhimin e çrregullimeve menstruale, e lufton stresin, lodhjen dhe depresionin, etj.