Qindra trupa të ushtrisë amerikane dhe asaj rumune i kanë bashkuar forcat sot për të kryer ushtrime të jashtëzakonshme me municione të gjalla. Ushtrimet janë kryer me tanke dhe aeroplanë luftarakë në operacionin e quajtur “Gatishmëria e Atlantikut”.
Ushtrimi ka pasur për qëllim zbutjen e shqetësimeve në Evropën Lindore për shkak të një Rusie me sjellje luftëdashëse, transmeton Express.
Gjenerali John L. Gronsky, i cili është zëvendës/komandant i përgjithshëm i Gardës Kombëtare, ka thënë sot se ushtrimet e sotme janë demonstrim i gatishmërisë së Rumanisë dhe Shteteve të Bashkuara për të luftuar krah për krah për të mbrojtur lirinë e tyre nëse është e nevojshme.
“Prezenca e SHBA-së në rajon ka të bëjë krejtësisht me frenimin e kundërshtarëve.. për ndërtimin e gatishmërisë dhe përmirësimin e gatishmërisë dhe për të dëshmuar lirinë e lëvizjes nëpër Evropë,” ka thënë ai./Express/
