Me qëllim të përkrahjes së sektorit privat, Kryetari i Lipjanit, Imri Ahmeti sot ka vizituar Fabrikën e metalit “Shkritorja 1” në Janjevë, me qëllim që të njoftohet nga nga afër me punët e afarizimit që kryhen në këtë biznes.
Kryetari Ahmeti gjatë kësaj vizite u prit nga pronarët e kësaj fabrike ku dhe në të njejtën kohë kanë diskutuar bashkarisht rreth krijimit të ambientit për të bërë biznes në vend, njoftoi Komuna Lipjanit.
Fabrika e metalit “Shkritorja 1” në Janjevë ka të punësuar 25 punëtorë, mirëpo shumë shpejt do ta zgjerojë objektin ku do të ketë edhe pajisje moderne të cilat do të ndikojnë në afarizëm më të mirë të ndërmarrjes dhe të shtohet edhe numri i punëtorëve.