Nënkryetari i Lipjanit, Sefer Tasholli së bashku me Drejtorin e Shëndetësisë, Avdullah Fazliu dhe Drejtorin e QKMF-së, Agim Krasniqi kanë pritur sot udhëheqësen e projektit Kujdesi Shendetsor i Qasshem dhe Cilsor (AQH), Debra Stevenson dhe zv/udhëheqësen e këtij projekti Qamile Ramadani.
Nënkryetari Tasholli i ka falenderuar ekipin e projektit si dhe Qeverinë Zvicerane të cilët vazhdimisht janë të pranishëm me projekte dhe po ndihmojnë në zhvillimin dhe përmirësimin e mirëqenies për qytetarët e komunës sonë, njoftoi komuna Lipjanit. Ai tha se ky projekt është i rëndësishëm dhe se investimi në Kujdesin Parësor Shëndetësor është investim në bazën e vet sistemit shëndetësor.
Ndërsa, udhëheqësja e projektit, Debora Stevenson i ka njoftuar për aktivitetet që janë duke u zhvilluar në kryerjen e këtij projekti ku në mesin e 12-të Komunave të Kosovës është edhe Komuna e Lipjani. Ky projekt ka vlerën mbi 7 milion euro dhe do të zgjas 4 vite, me anë të të cilit parashihet trajnimi i menaxhmentit, furnizimin me paisje bazike për QKMF dhe QMF dhe projekte të vogla për përmirësimin e cilësisë në shërbimin mjekësor primar.
Projekti AQH financohet nga Agjencia Zvicerane për Zhvillim dhe Bashkëpunim (SDC) dhe mbështetë agjendën kombëtare të reformës shëndetësore, duke plotësuar programet e donatorëve tjerë në sektorin shëndetësor.
