Një i dyshuar i ka vjedhur dy kopje të kuranit nga një faltore në Aeroportin Ndërkombëtar “Charlotte Douglas” në SHBA, si dhe ka lënë një letër në të cilën e kritikon librin e shenjtë islamik.
Alice White nga ky aeroport ka thënë për Charlotte Observer se e kuptoi të martën që dy kopje të kuranit mungonin. Ajo ka thënë se faltorja gjithmonë mban kuran, bibël dhe tora, transmeton Express.
Ajo ka thënë se një person e kishte përshëndetur atë në emër dhe kur ishte kthyer në faltore e kishte parë që kurani ishte zëvendësuar me një letër. Në letër hajni i adresohet Alice-s ku i thotë “ju nuk jeni kapelane [anëtare e faltores] nëse nuk besoni në interpretimin letrat të biblës dhe s’e refuzoni kuranin.”
Asnjë person nuk është arrestuar deri më tani. /Express/
