Për shkak të mos aprovimit të rendit të ditës, Kryesuesja e Kuvendit Komunal të Lipjanit, Vlora Limani – Hajnuni ka mbyllur punimet e seancës së 38- të të Kuvendit Komunal.

Florent Hoxha nga grupi i asambleistëve të PDK-së ka kërkuar që si pikë e rendit të ditës të futet edhe votëbesimi ndaj Kryesueses së Kuvendit, njofton komuna.
Por, neni 47 i Ligjit për Vetëqeverisje Lokale, pika 1 dhe 2 përshkruajn mënyren se si procedohet një pikë e jashtëzakonshme e rendit të ditës.
Këto dy pika të këtij neni i lexoi Kryesuesja e Kuvendit të cilat thonë:
1. Rendi i ditës për takimin e Kuvendit të Komunës caktohet nga Kryesuesi i Kuvendit të Komunës në marrëveshje me Kryetarin e Komunës.
2. Anëtari i Kuvendit të Komunës mund të kërkoj shtimin e një pike në rendin e ditës, gjatë seancës së rregullt të komunës, nëse qështja që kërkohet të përfshihet në rend të ditës është qështje urgjente me rëndësi publike.
Andaj duke u mbështetur në legjislacionin në fuqi, Kryesuesja Limani – Hajnuni ka hedhur në votim rendin e ditës ashtu siç është propozuar në fillim, pa pika të tjera shtesë.
Me prezencën e 31 anëtarëve të Kuvendit, me 15 vota Për, nuk kaloi rendi i ditës dhe si rezultat i kësaj Kryesuesja mbylli punimet e seancës.