Kryetari i Lipjanit, Imri Ahmeti së bashku me ambasadoren e Kroacisë në Kosovë Marija Kapitanoviq dhe me Ministrin e Infrastrukturës, Lutfi Zharku kanë vizituar sot Janjevën.
Gjatë kësaj vizite ata janë takuar me priftin Don Mate të Kishës katolike “Shën Kolli”, i cili i njoftoi musafirët për gjendjen e komunitetit kroat dhe qytetarëve janjevas në përgjithësi.
Don Mate ka falenderuar Komunën e Lipjanit e në vecanti kryetarin Ahmeti për investimet që ka bërë në Janjevë gjatë kësaj periudhe të qeverisjes, siç janë: asfaltimi i rrugëve në qendër të Janjevës dhe rrugicave të tjera, rehabilitimi i ndriçimit publik, vendosja e nxemjes qendrore në shkollën “Shtjefën Gjeçovi, investime në kanalizim si dhe shumë projekte të tjera, njoftoi Komuna.
Në anën tjetër Kryetari Ahmeti tha se shumë shpejt Janjeva do të ketë edhe investime të tjera siç janë ndërtimi i fushës moderne të futbollit me ndriqim publik si dhe trotuari me ndriqim publik, prjekte këto që do të fillojnë të realizohen në këtë vit. Po ashtu, ai ka bërë të ditur se Komuna të cilën ai e udhëheq është e përkushtuar që të gjejë mundësi edhe për investime të tjera në Janjevë për vitet në vijim.