Nuk ka prova deri më tani se ekipi i fushatës së presidentit Donald Trump kishte bashkëpunuar fshehurazi me Rusinë gjatë zgjedhjeve të 2016-s në SHBA, ka thënë sot ligjvënësi republikan Devin Nunes.
Nunes, i cili është kryetar i Komitetit të Inteligjencës së Dhomës së Përfaqësuesve, i bëri këto komente për Fox Neës, transmeton Express.
Ndërkohë, nesër do të dëshmojë para komitetit drejtori i FBI-së, James Comey.
Komuniteti i inteligjencës amerikane beson se sulmet kibernetike ruse gjatë zgjedhjeve presidenciale ishin bërë me qëllim që ta ndihmonin Trumpin që ta mposhte Hillary Clintonin.
Por, Trump i ka mohuar pohimet e inteligjencës duke i quajtur lajme të rreme./Express/
