Qeveria turke ka dështuar që ta bindë Shërbimin Federal të Inteligjencës së Gjermanisë (BND) se kleriku mysliman që jeton në SHBA, Fethullah Gulen, e orkestroi tentim puçin e dështuar më 15 korrik të vitit të kaluar në Turqi.
Kështu ka thënë për të përditshmen gjermane “Der Spiegel” shefi i BND-së, Bruno Kahl, transmeton Express.
“Turqia ka tentuar që në nivele të ndryshme të na bindë për atë gjë, por nuk ia ka dalë dot,” ka thënë Kahl.
Autoritetet turke e fajësojnë Gulenin për tentim puçin e dështuar në të cilin u vranë 248 njerëz verën e kaluar.
Por, Gulen vazhdimisht i ka mohuar akuzat./Express/
