Ai në këtë intervistë ka konfirmuar se është marrë vesh për zbatimin e gjuhës shqipe në institucionet shtetërore dhe që kryetari i Kuvendit të jetë shqiptar. Po ashtu sipas Ahmetit, marrëveshja me LSDM parasheh që gjuha shqipe të përdoret edhe në institucionet shtetërore dhe dhe banknota.

Duke vlerësuar krizën politike, kreu i BDI-së theksoi se ajo mund të zvarritet me vite dhe se disa politikanë sipas tij, po e shfrytëzojnë atë për të nxitur konflikt ndëretnik.

Ndërsa duke komentuar mosdhënien e mandatit për formimin e Qeverisë nga Ivanov për Zaevin, Ahmeti tha se partitë politike nuk duhet të tentojnë të përfitojnë nga tensionet.

Sipas tij, kriza aktuale duhet të zgjidhet me mjete politike, dhe jo të shndërrohet në problem ndëretnik. I pyetur për afatin e zgjidhjes së saj, ai ka nënvizuar se ky qorrsokak mund të vazhdojë siç ka nënvizuar edhe katër vite, për kur janë paraparë zgjedhjet e ardhshme /TV21/