Prodhuesi gjerman BMW, ka dëshpëruar entuziastët e makinave kur ka bërë të ditur se modelin 1 Series do ta shesë vetëm në Kinë.

Ky sedan i qëndrueshëm, i shpejtë dhe me shumë komfor, nuk do të jetë në asnjë treg tjetër botëror. Madje, është duke u prodhuar vetëm në Shenyang, transmeton Telegrafi.

Vetura 2.0-litërshe e me 228 kuajfuqi, shpejtësinë nga zero deri në 100 kilometra në orë e arrin për 6.8-sekonda.

Meqenëse kinezët e duan shumë teknologjikë, brenda veturës do të ketë një numër të madh të pajisjeve që do të shfrytëzohen nga shoferi dhe nga udhëtarët tjerë.

Sidoqoftë, në bazë të disa lajmeve, thuhet se BMW mund ta prodhojë edhe ndonjë model të ngjashëm të destinuar për tregjet tjera. /Telegrafi/