Aktorja australiane Margot Robbie, shfaqet në reklamën e re të kompanisë Nissan, për të reklamuar makinën komplet elektrike.

Modelin BLadeGlider, ajo e vozitë nëpër rrugët e Monakos, ndërsa shpejtësia në të shumtën e rasteve është mjaftë e lartë, transmeton Telegrafi.

Që në fillim të videos, tregohet se ky EV e arrin shpejtësinë nga zero deri në 100 kilometra në orë për pesë sekonda, për të vazhduar me të dhëna të tjera.

Krahas lëvizjeve të makinës që ka 220 KwH, shihet edhe mënyra e hapjes së dyerve, linjat shumë të mprehta dhe dritat LED që japin ndriçim të madh.

Sa i përket pjesës së brendshme, ku pos shoferit mund të ulen edhe dy persona, teknologjia është e lartë dhe gjithçka tregohet në mënyrë digjitale përmes ekraneve. /Telegrafi/