Njësitë ushtarake amerikane kanë arritur në Bullgari, ndërsa deri në fundjavë do të arrijnë edhe mjetet transportuese, si dhe mjetet tjera ushtarake.

Rreth 120 ushtarë amerikanë kanë arritur në bazën ushtarake në  bazën Novo Selo, në lindje të Bullgarisë, në kuadër të projektit Përfocimi i Pranisë së NATO-s në Evropën Lindore.

“Ushtrime të përbashkëta në këtë rajon do të përforcohen në këtë vit”, njofton Ministria bullgare e Mbrojtjes.

Ndërkaq të martën në Rumani kanë arritur rreth 500 ushtarë amerikanë, transmeton RTK.

Dislokimi i forcave të Aleancës është pjesë e aksionit që ka nisur që në vitin 2014, pas aneksimit të Krimesë nga forcat ruse.