Tetë vende të Bashkimit Evropian i kanë kërkuar Izraelit t’i kompensojë ato për rrënimin e objekteve të reja shkollore për komunitetit bedouin në Bregun e okupuar Perëndimor.
Një letër nga tetë vende anëtare pritet t’i dorëzohet Ministrisë së Jashtme të Izraelit në ditët e ardhshme, raporton gazeta “Haaretz”, transmeton Express.
Thuhet se Belgjika është nismëtare e kësaj çështjeje, e ndjekur nga Franca, Spanja, Suedia, Luksemburgu, Italia, Irlanda dhe Danimarka.
Në gusht, Izraeli i rrënoi objektet që për qëllim kishin të shërbenin si klasa në komunitete të ndryshme bedouin dhe konfiskoi panele diellore në një objekt tjetër që po përdorej si shkollë.
Zyrtarët izraelitë thanë se objektet ishin ndërtuar ilegalisht, por aktivistët palestinezë dhe diplomatët e BE-së kanë kundërshtuar duke thënë se Izraeli e bën pothuajse të pamundur marrjen e lejeve të ndërtimit. /Express/