Komuna e Lipjanit ka njoftuar se në shkollën fillore të Mesme të Ulët “Vëllezërit Frashëri” në Lipjan, gjatë ditës së sotme në prani të nënkryetarit të komunës Diamant Bytyqi, drejtorit të DKA-së Rasim Hasani dhe drejtorëve të shkollave është pranuar një donacion pajisje kompjuterike në vlerë 30 mijë euro nga Lidhja e Arsimit të Prindërve Shqiptarë “Naim Frasheri” në Zvicër, nga kryetari i kësaj shoqate Liburn Mehmetaj.

Nënkryetari Diamant Bytyqi ka falenderuar kryetarin LAPSH Liburn Mehmetaj për donacionin dhe kontributin e dhënë në arsimin shqip në diasporë por edhe në lidhjen e mergatës me vendin tonë, si dhe
në shenjë falenderimi për kontributin dhuroi logon e komunës së Lipjanit kësaj shoqate.

Me këto pajisje që përfshijnë desktop, monitor dhe pajisje tjera përcjellëse u kompletua secila msojtore në këto 6 shkolla në mënyrë që të ngritët cilësia dhe mësimi të bëhet më atraktiv.