Pas iniciativës në Facebook – që iu kanë bashkuar miliona njerëz – për të shkuar në Zonën 51 të Amerikës, disa njerëz kanë ardhur me ide të reja.

Më shumë se 40,000 njerëz i janë bashkuar një eventi në Facebook, për të shkuar në Trekëndëshin e Bermudës, vendin mitik në Oqeanin Atlantik për të cilin ka kohë që mendohet se aty ndodhet një vrimë e zezë në të cilën shumë njerëz janë zhdukur pasi kanë kaluar andej, transmeton Gazeta Express.

Ka shumë mite dhe legjenda rreth zonës në Oqeanin Atlantik të njohur si Trekëndëshi i Bermudës, dhe shumë njerëz mendojnë se kjo zonë është një vend i rrezikshëm.

Megjithatë, kjo zonë e oqeanit është në fakt një nga pjesët më të udhëtuara të oqeaneve të botës. Vetëm se ka shumë storje të famshme rreth anijeve dhe aeroplanëve që thuhet se janë zhdukur në këtë pjesë, transmeton Gazeta Express.

Nga kjo pjesë kalojnë shumë aeroplanë për shkak se lidh Amerikat, Europën dhe Ishujt Karaibe. Disa autorë në shekullin e kaluar, shumë ngjarje misterioze që kanë ndodhur në këtë zonë ia kanë atribuuar qytetit të humbur të Atlantisit.

Sipas shumë miteve dhe legjendave, që shumica i atribuohen Platonit, Atlantis ishte një qytet me një civilizim dhe teknologji shumë të lartë, që u zhduk në oqean pasi keqpërdorën njohuritë e tyre.

Autorët sugjerojnë se ndoshta në këtë pjesë ndodhet një forcë magjike ose jashtëtokësore, por krejt këto pretendime kurrë nuk janë dëshmuar – dhe ky vend ende mbetet relativisht i sigurt për të udhëtuar, krahasuar me pjesën tjetër të botës. /Express