Që nga janari i vitit 2016 në rajonin e Prishtinës kanë ndodhur 32 aksidente me pasoja fatale.

Policia ka bërë të ditur se në këto aksidente 37 persona kanë humbur jetën, prej tyre 18 ngasës automjetesh, 13 pasagjerë dhe 6 këmbësorë.

Duke e parë shqetësuese këtë numër të madh të aksidenteve të trafikut dhe numrit të madh të viktimave, kërkohet nga pjesëmarrësit në trafik të jenë më të kujdesshëm dhe t’i respektojnë me përpikmëri të gjitha rregullat e trafikut.

Në veçanti, kërkohet respektimi në kufizimet e shpejtësisë, në mënyrë që kështu të ulet numri i këtyre aksidenteve fatale. /Lajmi.net/