​Valverde e arsyeton vendimin për ta lënë Messin në stol

PUBLIKUAR

Trajneri i Barcelonës, Ernesto Valverde e sqaroi vendimin e tij për ta lënë Lionel Messin fillimisht në bankën rezervë për ndeshjen e parë gjysmëfinale të Kupës së Mbretit kundër Real Madridit. Ai tha se ky vendim erdhi pasi që argjentinasi ishte plotësisht i shëruar nga lëndimi i tij.

Valverde bëri të ditur se 31-vjeçari ishte paksa në vështirësi para se të fillonte ndeshja dhe për këtë arsye ai vendosi që të mos e rrezikonte argjentinasin, transmeton Gazeta Express.

Messi u aktivizua vetëm nga minuta e 63-të e ndeshjes kundër Real Madridit, e cila përfundoi me rezultat 1:1. Ai kishte pësuar lëndim muskulor në ndeshjen e fundjavës, kundër Valencias, të cilën katalonasit po ashtu e barazuan.

“Vendimet që ti i merr, bëhen në bazë të asaj që ti mendon se është më e mira për ekipin dhe lojtarin. Ai ishte në vështirësi. Sot, ai ishte më mirë, por ne menduam se më e mira ishte që ai të aktivizohej në pjesën e dytë”, ka thënë Valverde.

“Ai mund të jetë vendimtar në ndeshjet e tona sepse ne e dimë rrezikun që ai e krijon çdo herë që e merr topin. Nuk e di nëse do të jetë titullar në ndeshjen e radhës. Nëse do të jetë mirë, do të luajë. Shpresoj të jetë kështu”.

Ekipi që do të kalojë në finale të Kupës së Mbretit do të vendoset në ndeshjen kthyese, e cila do të zhvillohet në Santiago Bernabeu më 27 shkurt. Vetëm katër ditë më vonë, Barcelona do të kthehet në këtë stadium përsëri, këtë herë në kuadër të La Ligës. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...