Cristiano ka shumë nofka dhe një ndër to është edhe ‘Penaldo’ për golat e shënuar nga penalltia
Ylli i Real Madridit në ndeshjen e djeshme kundër Alavesit shënoi një gol nga penalltia, ndërsa një tjetër e priti portieri Pacheco.
Ai që prej transferimit në Real Madrid i është vënë edhe një nofkë tjetër ‘Penaldo’ për golat e shënuar nga penalltia.
Por, në të vërtetë sa gola ka shënuar portugezi në të gjitha garat me Real Madridin.
Nga 265 gola në La Liga, Ronaldo ka shënuar 53 herë nga penalltia, apo 20 për qind të golave të tij. Në Ligën e Kampionëve nga 80 gola, 10 i ka nga penalltia, apo 12.5 për qind, ndërsa në Cop del Rey ka tre penalti nga 21 gola, apo 14 për qind.
Në total, Ronaldo ka shënuar 17.8 për qind të golave të tij në Real Madrid nga penalltia, një përqindje kjo jo e madhe. /Express/
