​Hart: E respektoj sinqeritetin e Guardiolës, por jo mendimin e tij

PUBLIKUAR

Ish-portieri i Manchester Cityt, Joe Hart, ka bërë të ditur se ai e respekton sinqeritetin e trajnerit Pep Guardiola, kur ai e largoi anglezin nga skuadra. Sipas tij, kritikat për stilin e tij të lojës ishin të tepërta dhe u lanë anash gjërat që kanë më shumë rëndësi.

Portieri anglez kishte qenë numri një i Manchester Cityt deri në momentin kur në pozitën e trajnerit u emërua Guardiola, i cili e dërgoi portierin në huazim në Torino dhe West Ham. Guardiola, gjithashtu, i bleu dy portierë të rinj, Claudio Bravon dhe Edersonin, transmeton Gazeta Express.

31-vjeçari tani është transferuar në Burnley dhe është duke e shijuar futbollin në Premierligë përsëri. Për më tepër, ai thotë se nuk mban mëri ndaj ish-trajnerit të tij, përkundër që nuk e respekton mendimin e tij.

“Jam mirë me Pepin, mendoj se ai është një ndër trajnerët më të mirë. Ai erdhi dhe u tregua shumë i sinqertë me mua. E shikova në sy dhe ia dhashë dorën, e falënderova për sinqeritetin e tij”, ka thënë Hart.

“Unë nuk e falënderova për mendimin e tij, por ai u tregua njeriu më i sinqertë në botë. Ne tentuam të nxjerrim më të mirën nga ajo situatë e keqe për të dy palët. Ishte ashtu siç ishte”.

“Unë e harrova atë moment, punova shumë, stërvita me Cityn, më mirëpritën gjatë dy turneve të fundit parasezonal. Mund të kishte qenë shumë lehtësisht një situatë e pakëndshme, por nuk ishte kështu”. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...