​Gattuso: Higuain duhet të kërkojë falje

PUBLIKUAR

Trajneri italian i Milanit, Gennaro Gattuso, beson se sulmuesi argjentinas i skuadrës, Gonzalo Higuain, është duke ndierë shumë presion mbi vete, por thotë se ai duhet të kërkojë falje për sjelljen që bëri pasi u ndëshkua me karton të kuq kundër Juventusit.

Në derbin e mbrëmshëm mes Milanit dhe Juventusit, të cilin e fitoi “Zonja e Vjetër” me rezultat 0-2, Higuaini e humbi një penallti si dhe u ndëshkua me karton të kuq afër fundit të ndeshjes, transmeton Gazeta Express.

Argjentinasi u transferua në Milan nga Juventusi gjatë afatit kalimtar të verës në formë huazimi. Milani e ka opsionin e mundësisë së blerjes së sulmuesit gjatë afatit kalimtar të verës së ardhshme për 36 milionë euro.

“Në këtë moment, ai po ndien shumë presion mbi vete, fjalët e mia në konferencën për shtyp para ndeshjes nuk ishin të rastësishme. Tani, ai po e ndien në peshë të madhe mbi vete dhe kjo gjë është e dukshme. Ai duhet të qëndrojë i qetë, të kërkojë falje dhe t’i marrë përgjegjësitë e veta”, ka thënë Gattuso.

“Ai duhet t’i lë anash emocionet e tij, sepse është lojtari më i rëndësishëm i skuadrës sonë dhe ai duhet ta bëjë dallimin. Ai duhet të qëndrojë i qetë”.

Pasi u ndëshkua me karton të verdhë për një ndërhyrje ndaj lojtarit të Juventusit, Higuaini iu ankua gjyqtarit, i cili e ndëshkoi me një karton tjetër të verdhë. Pasi e mori kartonin e kuq, Higuain u zemërua dhe filloi të bërtasë dhe qajë, përkundër përpjekjeve të lojtarëve të Milanit dhe Juventusit për ta qetësuar. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...