Mbrojtësi Francez, Patrice Evra është lënë jashtë skuadrës së Juventusit nga trajneri Massimiliano Allegri.

Mediat në Itali dhe Angli kanë shkruar se lojtari mund të kthehet në Manchester United, pasi pëlqehet shumë nga trajneri portugez, Jose Mourinho.

Por, për këtë nuk është i sigurt agjenti i lojtarit, Federico Pastorello, i cili tha se gjithçka do të vendoset në ditët në vazhdim.

“Nuk është e thënë që Evra do të largohet nga Juventus. Ne do të shohim se çfarë do të ndodhë në ditët e ardhshme”, tha Pastorello për Juvenews.eu. /Express/