Antonio Conte i ka dal në ndihmë Alvaro Moratas, i cili po kalon moment jo të mira në Chelsea
Sulmuesi spanjoll, Alvaro Morata kishte katër mundësi të pastra për të shënuar ndaj Arsenalit, por dështoi në të gjitha rastet.
Në ndihmë lojtarit i ka dal trajneri Antonio Conte, i cili tha se spanjolli është i pafat në ndeshjet e fundit, por thotë se është i kënaqur me të.
“Morata është i pafat në këtë periudhë të sezonit. Ai duhet të vazhdojë të punojë dhe përmirësohet. Është për keqardhje sepse ai kishte shumë raste të shënonte, por në anën tjetër jam i lumtur me të, me përkushtimin e tij”, tha Conte pas barazimit 2:2 me Arsenalin.
Ndërsa sa i përket ndeshjes, Conte tha se është dashur ta fitonin, edhe pse në fund morën një barazim në udhëtim kundër një skuadre të madhe si Arsenal. /Express
