Zyrtari i Nismës Social Demokrate, Resul Sinani, e ka komentuar arrestimin dhe deportimin e shtetasve turq nga Policia e Kosovës.
Thotë se arrestimi dhe ekstradimi i shtetasve nga Turqia është komplet joligjor dhe është shkelje e të drejtave dhe lirive të njeriut!
“Ai është ATAK mbi rendin kushtetues dhe institucional te vendit. Ky nuk është shteti qe e dëshirojmë dhe për te cilin duhet te kontribuojmë. Te gjithë ata qe kane qenë të përfshirë ne këtë operacion duhet të vihen përpara përgjegjësisë” ka shkruar ai në Facebook.
Gjashtë shtetasit turq, banorë të Kosovës, të identifikuar si përkrahës të Gylenit, janë deportuar për në Turqi, të enjten, pak orë pas arrestimit të tyre nga Policia e Kosovës.
Media turke “Hurriyet” shkruan se Agjencia Inteligjente e Kosovës, në bashkëpunim me Agjencinë Inteligjente në Turqi, kanë realizuar këtë operacion arrestimesh me sukses./Express