Santi Cazrola është kthyer në Villarreal ku do ta vazhdojë riaftësimin nga lëndimi i rëndë në “thembrën e Akilit”.
Mesfushori spanjoll u lirua nga Arsenali në fund të sezonit 2017/18, dhe nuk ka luajtur ndeshje garuese që prej tetorit të vitit 2016, transmeton Gazeta Express.
Arsenali ka vendosur të mos i ofrojë kontratë të re atij, për shkak të problemeve fizike, pasi spanjolli i është nënshtruar 11 operacioneve në thembër në dy vitet e fundit.
Megjithatë, “Nëndetësja e verdhë”, klub me të cilin i kaloi katër vite të karrierës së tij nga 2007 deri më 2011 duke e djersitur fanellën e saj në 240 ndeshje, i ka ofruar atij rastin ta dëshmojë veten. /Gazeta Express/
