Manchester Unitedi ka kompletuar transferimin e portierit argjentinas, Sergio Romero.

28-vjeçari kalon në Old Trafford si lojtar i lirë, pasi ishte larguar nga Sampdoria më herët gjatë kësaj vere.

Ai ka nënshkruar kontratë trevjeçare me klubin e tij të ri me opsionin e vazhdimit edhe për një vit.

“Me kënaqësi ju njoftojmë se portieri argjentinas, Sergio Romero, ka nënshkruar kontratë trevjeçare. Mirë se vjen Romero”, shkruan në faqen e Djajve të Kuq në Twitter.

“Jam absolutisht i ngazëllyer që po i bashkohem Manchester Unitedit. Është një realizim ëndrre për mua që do të luaj për klubin më të madh në botë”, ka thënë portieri. /Telegrafi/