Presidenti i Real Madridit, Florentino Perez është takuar me Carlo Ancelottin dhe i ka treguar atij vendimin e shkarkimit nga posti i trajnerit.
Marca sapo ka raportuar se presidenti i Los Blancos, Perez ka konfirmuar shkarkimin e trajnerit italian nga posti i trajnerit të ekipit madridlen, transmeton Telegrafi.
Perez e ka falënderuar Acelottin për dy vitet e shërbimit tek Reali dhe ka bërë të ditur se javën e ardhshme do të bëhet i ditur emri i trajnerit të ri.
Ancelotti ia fitoi Realit titullin e 10 të Evropës, që ishte obsesioni i klubit dhe tifozëve për një kohë të gjatë.
Kështu, favorit për postin e trajnerit të Realit mbetet Rafael Benitez, pasi sipas revistës gjermane “Bild”, ish-trajneri i Borussia Dortmundit, Jurgen Klopp do të pushojë gjashtë muaj. /Telegrafi/
