Kapiteni i madh i kombëtares shqiptare, Lorik Cana ka mbërritur në skuadrën e tij të re Nantes, ku edhe është prezantuar.

Mbrojtësi shqiptar që luaji vitin e shkuar me Lazion bëri disa foto me fanellata e reja të skuadrës së tij të re.

Ai doli edhe në stërvitje ku në krah të tij ishte Ermir Lenjani, i cili po ashtu javë më parë nënshkroi me këtë skuadër.

Cana kishte dy paraqitje shumë të mira me Shqipërinë në ndeshje kundër Portugalisë dhe Danimarkës, duke marr edhe lëvdata nga mediat italiane dhe franceze.

Gjakovari ka nënshkruar për një vit, me mundësi zgjatje për një vit tjetër. Ndërkaq, menjëherë mesfushori me tipare mbrojtëse ka filluar stërvitjet me klubin. /Telegrafi/