Xherdan Shaqiri ka vendosur për të ardhmen e tij.

Futbollisti kosovar, Xherdan Shaqiri, do të vazhdojë të mbetet pjesë e Bayern Munichut edhe pas afatit kalimtar të janarit.

Një gjë të tillë e thotë një nga agjentët e lojtarit, Ulisse Savini. Sipas këtij të fundit, janë krerët e Bayernit ata që po insistojnë ta mbajnë Xherdanin.

“Është një situatë e komplikuar për momentin. Unë dyshoj se ai do të largohet në janar. Ai ka luajtur në Ligën e Kampionëve dhe nuk mund të përdorohet aty nga një klub tjetër”, u shpreh Savini.

“Një gjë e tillë e komplikon marrëveshjen, pasi bëhet fjalë për shumë para. Dhe unë dyshoj se Bayerni mund ta gjejë një zëvendësim të nivelit të tij”, shtoi tutje agjenti ndërkombëtar.