Juventusi e ka kompletuar transferimin e Patrice Evras nga Manchester Unitedi për një shumë prej rreth dy milionë eurosh.

33-vjeçari ka nënshkruar kontratë dyvjeçare me kampionin e Italisë.

“Pas një mendimi të gjatë, vendosa se ishte koha e duhur të largohesha nga Manchester Unitedi”.

“Është vendimi më i madh në karrierën time, sepse ky klub është dhe do të mbetet gjithmonë në zemrën time”, ka deklaruar Evra.

Largimi i francezit e lë transferin e ri Luke Shaw të vetmin mbrojtës të majtë në Old Trafford.

Evra është veterani i katërt që largohet nga United këtë verë, pas pensionimi të Ryan Giggs dhe largimit të Nemanja Vidic (Inter) dhe Rio Ferdinand (QPR). /Telegrafi/