Tifozët e Paris Saint-Germain kanë marrë një lajm të mirë nga Angel Di Maria. Ylli argjentinas, ka mohuar spekulimet e mediave se do të transferohet në Kinë. Ai thotë se është i lumtur në Paris.

“Unë jam i lumtur në Paris, po ashtu edhe familja ime. Kjo do të thotë shumë për mua. Unë kam kontratë edhe dy vite e gjysmë dhe do ta respektoj këtë”, ka deklaruar ish anëtari i Manchester Unitedit dhe Real Madridit për ESPN, përcjell Express.

“ Secili është i lirë të mendojnë si dëshiron, ata mund të shkojnë të luajë në Kinë edhe më tej. Natyrisht ju mund të jeni të ndjeshëm me parat e majme që ofrohen atje, por ky nuk është rasti im. unë do të qëndroj këtu. Unë kam ardhur në PSG për të fituar Ligën e Kampionëve”, ka theksuar ai. /Express/