Fernando Torres do të veshë fanellën e Milanit sezonin e ardhshëm.
Chelsea dhe Milani kanë arritur marrëveshje për një huazim dyvjeçar të sulmuesit spanjoll, një lajm që është konfirmuar nga skuadra londineze.
“Chelsea FC dhe Milani kanë arritur marrëveshje dyvjeçare për huazimin e Fernando Torres te klubi italian”.
“Lëvizja tash varet nga Fernando i cili duhet të arrijë marrëveshje për kushtet personale me Milanin dhe të kalojë testet mjekësore”, shkruhet në deklaratën e postuar në faqen zyrtare të Chelseat.
Torres ka pasur një karrierë të paqëndrueshme në Stamford Bridge, ku kaloi nga Liverpooli për një shumë rekorde, 50 milionë funte (65 milionë euro).
Chelsea me gjasë do të kërkojë një sulmues të ri tash, pasi Jose Mourinho më herët tha se dëshiron të ketë tre sulmues në dispozicion këtë sezon. /Telegrafi/