Zyrtare: Arteta rinovon me Arsenalin

Mikel Arteta e ka rinovuar kontratën me Arsenalin dhe do të jetë trajner i “Topçinjve” deri në fund të sezonit 2024/25.

Kjo u bë e ditur sot përmes një komunikate për media nga klubi londinez, shkruan Gazeta Express.

Arteta është në rrugë të mirë për ta dërguar në Ligën e Kampionëve Arsenalin, teksa ekipi është përmirësuar dukshëm.

40-vjeçari u bë trajner i Arsenalit në vitin 2019, pasi paraprakisht kishte qenë ndihmës i Guardiolas te Manchester City.

“Jam i emocionuar, falënderues dhe shumë, shumë i lumtur sot”, ishin fjalët e para të spanjollit pas nënshkrimit të kontratës. /Gazeta Express/

Rruga: "Haradin Bajrami" - Lipjan / 14000 Lipjan