“Disa nuk mësojnë kurrë ”, fillon shkrimi i gazetës zvicerane Blick, artikulli i së cilës është plot kritika për Granit Xhakën.

Mesfushori kosovar, i cili luan për kombëtaren e Zvicrës, i ka frustruar zviceranët me shqiponjën dy-krenare të formuar përsëri, kësaj radhe me një frizer në Zvicër.

“Ne nuk e harrojmë shqiponjën as te frizeri”, kishte shkruar Xhaka në postimin e tij në Facebook, transmeton Telegrafi.

Ky postim i ka bërë zviceranët të nevrikosen, të cilat thonë se “Xhaka nuk mund ta kontrollojë veten”.

Kujtojmë se në kombëtaren zvicerane është marrë vendim që gjesti i shqiponjës të mos përdoret më nga lojtarët shqiptarë që luajnë aty. /Telegrafi/