Kryetari i komunës së Lipjanit, Imri Ahmeti, së bashku me drejtorin për Ekonomi dhe Zhvillim, Latif Ramadanin, sot në zyrën e tij ka pritur në një takim pune zëvendësministren e Zhvillimit Ekonomik, Besa Zogaj.
Gjatë takimit u diskutuan, zhvillimet aktuale në sektorin e zhvillimit ekonomik, me theks të veçantë implementimi i strategjisë për efiçiencë, dhe burimet e ripërtritshme të energjisë.
Në këtë rast, kryetari i komunës së Lipjanit, Imri Ahmeti, e njoftoi zëvendësministren, Besa Zogaj, për aprovimin e strategjisë për efiçiencë, si dhe mbarëvajtjen e projekteve të efiçiencës, në kuadër të zhvillimeve të infrastrukturës publike.
Në anën tjetër, zv.ministrja, Besa Zogaj, ka falënderuar kryetarin Ahmeti, për pritjen, dhe është shprehur e gatshme për të bashkëpunuar.
Po ashtu ajo, e ka njoftuar Ahmetin në lidhje me projektet e ardhshme, që kanë të bëjnë me efiçiencën dhe ndërmarrjet publike.