Zinedine Zidane mund të largohet nga Real Madridi pasi i është ofruar mundësia për ta marrë drejtimin e ekipit kombëtar të Francës, raporton Diario Gol.
Sipas Diario Gol, Zidanit i është propozuar ta udhëheqë ekipin kombëtar pas Kupës së Botës “Rusia 2018”, duke e zëvendësuar Didier Deschampsin, transmeton Express.
Zidane është duke u kritikuar ashpër në javët e fundit për shkak të krizës që e ka kapluar Real Madridin në La Liga, duke e lënë në vendin e katërt me 19 pikë më pak se lideri Barcelona.
Mundësia për ta udhëhequr një gjeneratë të artë të talentëve francezë – përfshirë ish-objektivin e Real Madridit Kylian Mbappen – mund të jetë tepër e mirë për t’u refuzuar. /Express/