Zinedine Zidane, trajneri i Real Madridit, pritet të shpërblehet nga presidenti i Los Blancos, Florentino Pérez për punën që ka bërë në vitin e fundit.

Sipas të përditshmes sportive madrilene, AS, Real Madrid dhe Zinedine Zidane kanë rënë dakord që ta vazhdojnë bashkëpunimin edhe për tre sezone të tjerë (deri në vitin 2020), përcjell Express.

Zidane aktualisht paguhet 4.35 milionë euro në sezon, derisa me kontratën e re do të paguhet 8 milionë euro në sezon.

Francezi e ka marrë drejtimin e ekipit në fillim të vitit 2016, pasi ishte shkarkuar Rafa Benitez, për shkak të rezultateve të dobëta.

Zidane me Real Madridin ka fituar dy Liga të Kampionëve dhe një titull në La Liga. /Express/