Cristiano Ronaldo nuk ishte pjesë e Real Madridit në fitoren ndaj Sevillas (3:0) në Copa del Rey. Edhe pse nuk ishte në formacion për këtë takim, portugezi ishte i pranishëm në zhveshtorën e skuadrës duke motivuar bashkëlojtarët.

Trajneri i Los Blancos, Zinedine Zidane ka thënë se fituesi i Topit të Artë për vitin 2016 është lideri brenda dhe jashtë fushë, përcjell Express.

“Ronaldo është një lider si brenda  dhe jashtë fushës. Ai është gjithmonë aty për t’i përshëndetur bashkëlojtarët para dhe pas lojës”, ka deklaruar Zidane në konferencën për media.

“Ai është një pjesë e madhe e ekipit edhe kur nuk luan. Ai ka shumë energji pozitive të cilën e transmeton te pjesa tjetër e ekipit dhe bashkëlojtarët dhe kjo është e rëndësishme. Ai është një lider, një lider i vërtetë., ka theksuar francezi. /Express/

Ronaldo e ka përshëndetur Jamesin në tunelin e “Satiago Bernabeut” pas dy golave ndaj Sevillas